"Ispaniya - jahon chempionati favoritlari qatorida. Ular Evroda g'olib chiqishdi, ularda Lamin Yamal bor", - dedi Vinisius Caze TV ning yutub kanaliga bergan intervyusida.
Braziliyalik vinger Ispaniya terma jamoasining 18 yoshli futbolchisini alohida etirof etdi:
"Lamin - dunyoning eng yaxshi futbolchilaridan biri. Muxlislar mana shunday o'yinchilarning harakatlarini ko'rish uchun ham chipta sotib olishadi".
Eslatib o'tamiz, Lamin Yamal Yevropa chempionatlari tarixidagi eng yosh debyutant va eng yosh gol muallifiga aylangan, shuningdek, Evro-2024 ning eng yaxshi yosh futbolchisi deb topilgan edi. Ispaniya terma jamoasi ushbu turnir finalida Angliyani mag'lub etib (2:1), chempionlik unvonini qo'lga kiritgandi.
