"Испания — жаҳон чемпионати фаворитлари қаторида. Улар Еврода ғолиб чиқишди, уларда Ламин Ямаль бор", — деди Винисиус Caze TV нинг ютуб каналига берган интервьюсида.
Бразилиялик вингер Испания терма жамоасининг 18 ёшли футболчисини алоҳида эътироф этди:
"Ламин — дунёнинг энг яхши футболчиларидан бири. Мухлислар мана шундай ўйинчиларнинг ҳаракатларини кўриш учун ҳам чипта сотиб олишади".
Эслатиб ўтамиз, Ламин Ямаль Европа чемпионатлари тарихидаги энг ёш дебютант ва энг ёш гол муаллифига айланган, шунингдек, Евро-2024 нинг энг яхши ёш футболчиси деб топилган эди. Испания терма жамоаси ушбу турнир финалида Англияни мағлуб этиб (2:1), чемпионлик унвонини қўлга киритганди.
