"Натижа қувонарли эмас, лекин бу муқаррар равишда жараённинг бир қисмидир. Таркиб, жамоанинг шакллантирилиш тарзи ва барча ўзгаришлар — бу 100% менинг масъулиятим. Бу менинг ғоям эди. Ҳимояда чуқур блокланиб ўйнайдиган рақиб мудофаасини ёриб ўтиш осон бўлмаслиги аниқ эди. Мен минимал ҳисобдаги ғалабани хотиржам қабул қилган бўлардим, лекин ютқазиш мумкин эмас эди.
Ўтказиб юборилган гол — омадсизлик, гарчи у рақибда бўлган хавфли вазиятларнинг умумий манзарасига мос тушган бўлса-да. Моҳиятан, улар шунчаки узун узатмалар орқали ўйнашди. Кўп ҳолларда биз бу тўпларни яхши қайтардик, аммо футболчиларимизнинг жисмоний кўрсаткичларини ҳисобга олганда, лозим даражада устунлик қила олмадик.
Биз биргаликда бор-yoғи бир ҳафтадан бери ишлаяпмиз, жамоа янги, шунинг учун бизга ўзаро тушуниш шаклланиши керак. Футбол машғулотларни талаб қилади. Бу ҳафта ҳамма нарса ажойиб кечди — бугунги ўйиннинг катта қисми бундан мустасно", — деди Клопп Sky Sport Germany нашрига.
