- Ўйин ҳақида фикрингиз?
- Шуни айтишим мумкин, бугун мавсумдаги энг яхши ўйинимизни ўтказдик. "Бухоро" "чағилмас ёнғоқ" эканлигини билардик, бу ҳақда ўйиндан олдин йигитларга ҳам айтгандим. Нима учун энг яхши ўйинимиз? Матбуотда биз ҳақимизда кўп гапириляпти ва футболчиларимиз қандай ҳолатда эканини кўпчилик билади. Шундан келиб чқиққан ҳолда ўйинимизни жуда яхши чиқди деб айта оламан. Йигитлар - профессионал, уларга эътирозим йўқ, майдонда бор куч билан ҳаракат қилдик.
- Ҳозирги вазият қандай?
- Вазият оғир, жуда-жуда оғир. Маҳаллий футболчилар ҳам, хорижликлар ҳам, мураббийлар штабимиз ҳам декабрь, январь, февраль, март, апрель, май, июнь, июлдан бери қийин даврни бошдан кечиряпмиз. Ҳаммамизда шартнома бор, афсуски, шартномада белгиланган суммани ололмаяпмиз. Биз ҳам, футболчилар ҳам ишлаяпмиз, майдонда тер тўкяпмиз. Жамоамизни олти нафар футболчи тарк этди. Яна 3-4 нафар ўйинчи кетиб қолиши мумкин. Шу боис бизни яхши тушунишларини хоҳлардик. Ҳамманинг оиласи, бола-чақаси, ўзига яраша ташвишлари бор. Айтиб ўтганимдек, вазият жуда оғир.
