Бу ҳақда “Sky News” мухбири Роб Харрис хабар берди.
Манба берган маълумотларга кўра, 58 ёшли словениялик мутахассис қарорини Берлинда УЕФАга аъзо барча 55 та миллий ассоциация вакиллари билан бўлиб ўтган учрашувда эълон қилган.
2024 йилнинг февралида Чеферин УЕФА президенти учун кейинги сайловларда иштирок этмаслигини билдирганди. Бироқ 2026 йилнинг сентябрида ПСЖ президенти ҳамда Европа клублари ассоциацияси (EFC) раиси Носир Ал Ҳелайфи уни ушбу қарорини қайта кўриб чиқишга чақирганди.
УЕФА президенти сайлови 2027 йил 4 март куни Остона (Қозоғистон) шаҳрида ўтказиладиган ташкилотнинг 51-конгрессида бўлиб ўтади.
Чеферин 2016 йилнинг сентябридан буён УЕФАга раҳбарлик қилиб келмоқда. Агар у қайта сайланса, ташкилот президенти лавозимини тўртинчи бор эгаллайди.
