41 ёшли Роналду бош мураббий Жорже Жезушнинг матбуот анжуманидан сўнг миллий жамоа ихтиёрини тарк этди. Мураббий футболчига асосий таркибдан жой кафолатланмаганини айтганди. Ҳужумчи 27 сентябрь куни Миллатлар Лигаси доирасида Норвегияга қарши кечган баҳсда (2:1) майдонга тушмади. Усиз португалияликлар кейинроқ данияликларни 4:2 ҳисобида мағлуб этишди ва яна норвегияликлар устидан ғалаба қозонишди (2:1). “O Jogo” нашри Роналду терма жамоадаги фаолиятини якунлашга қарор қилгани ҳақида хабар тарқатганди, бироқ сешанба куни форвард ҳозирча буни режалаштирмаётганини маълум қилди.
"Кўнглим оғримоқда. Бу ҳақиқий шок бўлди. Ўғлим катта дарвозадан бош кўтариб кетиши мумкин эди, бироқ у орқа эшикдан чиқиб кетишга мажбур бўлди. Аммо ҳаммаси жойида, буни Худонинг ўзи кўриб турибди.
Мен йиғладим. Ҳиссиётларни чиқариб олиш баъзан фойдали. Энди олдинга интилиш керак. У ҳар доим Португалиянинг қаҳрамони бўлиб келган. Уни етарлича қадрлашмаяпти", – деди Долореш Авейру.
"Олтин тўп"нинг беш карра соҳиби бўлган Роналду Португалия терма жамоаси сафида Европа чемпиони ва Миллатлар лигасининг икки карра ғолиби ҳисобланади.
