Турк футболи афсонаси португалиялик юлдузнинг юксак даражасини эътироф этди, бироқ Мессини футбол тарихидаги энг яхши ўйинчи деб атади.
"Криштиану — шунчаки ақл бовар қилмас футболчи, бутун жаҳон тарихидаги энг яхшилардан бири. Аммо шахсан мен учун футбол тарихидаги барча ўйинчилар орасида энг зўри айнан Мессидир. Албатта, Криштиану жамоангизда ўйнаса, сиз ўйинларда ғалаба қозонишингиз, кубокларни қўлга киритишингиз мумкин — у ақл бовар қилмас ишларни амалга оширади.
Бироқ сафингизда Месси ўйнаса, бутун ўйинни назорат қиласиз. Криштиану — энг буюклардан бири, унинг мухлисларини ҳам жуда ҳурмат қиламан, лекин барибир Месси — мутлақо бошқа даража. Шу билан бирга, мен Криштиануни инсон сифатида ҳам, футболчи сифатида ҳам жуда яхши кўраман ва чексиз ҳурмат қиламан. У бутун инсоният учун ибрат бўла олди", – деди Туран журналист Дмитрий Гордонга берган интервьюсида.
Туран ўтган йилнинг май ойида "Шахтёр" бошқарувини қўлга олганди. Унинг қўл остида Донецк клуби Украина чемпионига айланди.
