Бу ҳақда УЕФА матбуот хизмати маълум қилди.
8 октябрь куни Берлинда УЕФАга аъзо барча 55 та миллий ассоциация вакилларининг учрашуви бўлиб ўтди ва унда ФИФАни ислоҳ қилиш йўналишлари белгилаб олинди.
"УЕФА ва Озарбайжон футбол федерациялари ассоциациясидан ташқари барча миллий ассоциациялар ФИФА ислоҳотларининг аниқ йўналишини келишиб олдилар.
Миллий ассоциациялар ФИФАнинг амалдаги раҳбариятига бўлган ишончни йўқотганликларини тасдиқладилар. Уларнинг фикрича, институционал ислоҳотларнинг ўзи етарли эмас: ФИФАга, шунингдек, янги раҳбарият ҳам керак — у ҳурматга сазовор ва бирлаштирувчи шахс бўлиши, илдизлари футболга чуқур боғланган, бошқарув учун кенг қараш ва тажрибага эга бўлган, барча минтақаларда ишонч қозона оладиган ҳамда ривожланиш, ислоҳотлар, ҳалоллик ва мустақилликка сўзсиз содиқ қоладиган инсон бўлиши лозим", – дейилади УЕФА баёнотида.
ФИФА президенти Жанни Инфантино бўлиб, у ташкилотни 2016 йилдан буён бошқариб келмоқда. ФИФА раҳбари учун навбатдаги сайлов 2027 йилнинг март ойида бўлиб ўтади.
