Бу ҳақда Британиянинг "The Sun" нашри хабар бермоқда.
Манба берган маълумотларга кўра, Флоридадан Канзас-Ситига ташиш вақтида футбол тўплари ва машғулот анжомлари ҳам ўғирланган. Шунингдек, ўғирланган буюмлар орасида таҳлилий ускуналар, Томас Тухелнинг тактик доскалари ва массаж столлари ҳам бор.
Англия терма жамоаси жаҳон чемпионати олдидан Флоридада машғулот йиғинини ўтказиб, унда Янги Зеландия, Коста-Рика ва маҳаллий "Майами Юнайтед" клубларини мағлуб этган эди.
Аммо жамоа шанба куни эрталаб меҳмонхонага учиб келгани ва тушдан кейин машғулотларни бошлаши керак бўлганлиги сабабли, уларнинг юклари олдиндан жўнатиб юборилган.
Англия терма жамоаси жаҳон чемпионати гуруҳ босқичидаги илк ўйинини 17 июнь куни Хорватия терма жамоасига қарши ўтказади.
