"Биз жуда яхши ўйнадик. Ғалабага лойиқ эдик, кўпроқ гол уришимиз, осонлик билан кўпроқ вазиятлар яратишимиз мумкин эди. Кайфият, энергия ва шиддат жуда юқори даражада бўлди. Ҳамма яхши ўйнади. Гап алоҳида ўйинчилар ҳақида кетмаяпти, бугун жуда яхши жамоавий ўйин кўрсатдик.
Биз янги даражага чиқмоқчи эдик ва бунга аниқ эришдик. Стадиондаги ҳамма буни ҳис қилди ва мухлисларнинг реакцияси ажойиб бўлди. Бунинг учун кўп ҳаракат қилдик, тинимсиз ишладик, контрпрессингимиз яхши чиқди, ҳимоя, кайфият, жипслик — ҳамма нарса жуда юқори даражада эди.
Бугунги оқшом мени жуда хотиржам қилмоқда, чунки биз мутлақо тўғри йўлдамиз. Бугун кўрганларимдан, жамоавий руҳ ва хулқ-атвордан жуда фахрланаман. Захирадан майдонга тушган йигитлар катта таъсир ўтказишди, майдонни тарк этганлар эса бошқаларни қўллаб-қувватлаб туришди. Бу айнан биз хоҳлаган нарса эди.
Биз жуда яхши захира вакилларини кўрдик, улар албатта асосий таркибда майдонга тушмаганидан хафа эдилар, лекин улар тушиб, чарчаган рақибга қарши худди шундай шиддат ва сифат билан ўйнашди, шунинг учун ҳаммага баракалла", — дея Тухельнинг сўзларини келтиради England Football.
