"Агар жаҳон чемпионатида бирорта ҳам гол урмасдан туриб жаҳон чемпиони бўлиш таклиф қилинса, мен рози бўлардим. Ҳатто байрамни биринчи бўлиб бошлаган бўлардим.
Мен ушбу жаҳон чемпионатида иштирок этаётганимдан жуда мамнунман. Айниқса ёш футболчиларга, руҳий томондан ёрдам беришга ҳаракат қиляпман.
Энг яхши тўпурарлар қаторида бўлиш ёқимли, аммо уларнинг кўпчилиги мендан анча катта ёшда. Албатта, мен тарих ёзишда давом этишни истайман", – деди Мбаппе.
27 ёшли франциялик ҳужумчи жаҳон чемпионатларида 12 та гол уриб бўлган. Мусобақа тарихидаги энг яхши натижа эса Германия терма жамоасининг собиқ ҳужумчиси Мирослав Клозега тегишли бўлиб, у 16 та гол муаллифи ҳисобланади.
Франция терма жамоаси ЖЧ–2026 гуруҳ босқичида Сенегал, Ироқ ва Норвегия терма жамоаларига қарши майдонга тушади. Французлар ўзларининг илк учрашувини 16 июнь куни ўтказадилар.
