- Ҳозир эшитдим, илк навбатда мухлислар клубимиз раиси Абдулла аканинг вафоти учун бутун жамоа номидан таъзия билдирамиз. Фидойи мухлисимиз эди, жойлари жаннатдан бўлсин. Ўйин қийин бўлди. "Сурхон" осонликча очко бермаслигини билардик ва барча ўйинларда яхши курашмоқда. Тўп билан яхши муомала қилади, шунга яраша тайёргарлик кўрдик. Ўтган ўйиндан кейин, бешта голдан кейин йигитларда бўшашиш ҳолати бўлиши мумкин эди. Йигитларга бизни қийин ўйин кутаётганини тушунтирдим ва шундай бўлди ҳам. Албатта, имкониятларимиз кўп бўлди, балки, голлар урганимизда осонроқ ҳам бўларди. Лекин энг асосийси - ғалаба қозонганимиз. Келган мухлисларга раҳмат айтаман, улар бизни зўр қўллаб-қувватлашди, уларни хурсанд қилдик. Қийин ҳолатга тушиб қолганда иккала жамоа ҳам курашди. Мухлислар балки кўпроқ гол кутишгандир. Лекин 1:0 га мос ўйин бўлди. Энди кейинги ўйинга тайёргарлик кўрамиз.
- Сўнгги уч ўйинда асосий таркиб ўзгармади. Бу ҳақда нима дея оласиз?
- Агарда жароҳат бўлса ёки кимдир яхшироқ ўйнай олмаса, асосий таркибни ўзгартираман. Бу таркиб ритмда яхши кетяпти. Футболчилар ҳам яхши ўйнашди. Ҳеч ким касал эмаслиги ва барча соғломлиги сабабли асосий таркибга тегмадик. Захирадан чиқаётган футболчилар асосий таркибга қўшилса ҳам ўйин унчалик ўзгармайди. Таркибда яхши футболчиларни жамланган, барча бир-бирига муносиб. Ҳар 4 кунда ўйин, улар бир-бирига мослашиб кетгани учун ўзгартириш киритмадик. Ўйиндан ўйинга чарчоқ аломатлари бўлади ва бугун бу сезилди. Балки қаердадир кимнидир ўзгартирса ҳам бўларди. Хатолар ҳам бўлди. Хавотирли жойлар ҳам бўлиб турибди. Буни тушунамиз, барчасини ичидан ҳис қиламиз. Айрим вазиятларда йигитлар яхшироқ ҳаракат қилса бўларди.
- Трансферлар ойнаси ҳали ёпилмади. Таркибга яна футболчилар келадими ёки шу таркибдан кўнглингиз тўляптими?
- Яна бир қанча футболчиларни кўраётгандик. Лекин энди вақт етишмаслиги ва уларнинг жамоалари билан шартномаси борлиги сабабли қийин бўлмоқда. Балки яхши футболчи чиқиб қолса, оламиз. Лекин ҳозирги таркиб билан ҳам олдимизга қўйилган вазифани бажарсак бўлади.
- Абдулла Абдуллаев қачон жамоага қўшилади?
- Биз ҳам уни кутяпмиз. У жамоамизга катта куч бағишлайди. Унинг даражасини яхши биламиз. У ҳозир индивидуал шуғулланмоқда. Терма жамоа билан Португалияга қарши ўйинда жароҳат олганди ва унинг тикланиши учун вақт керак бўлмоқда. Суягидаги дарс кетишнинг битиши учун вақт керак экан. Секин-секин уни таркибга жалб қиламиз.
