- Ўйин ҳақида фикрингиз?
- Биринчи навбатда барча "Навбаҳор" мухлисларини чиройли ғалаба билан табриклайман. Ўз майдонингда ўйнар экансан, бошқа муҳит, бошқача футбол бўлади. Бугун чиройли ўйин намойиш этган ҳолда ғалаба қозондик. Мухлислар қўллаши ҳам ажойиб бўлди. Яхши тайёргарлик кўргандик ва мақсадимиз мухлисларни хурсанд қилиш эди. Режалар иш берди ва буёғига кейинги ўйинга ҳозирлик кўрамиз.
- Жаҳон чемпионати туфайли юзага келган танаффусдан кейин жамоангиз бошқача ўйин намойиш эта бошлади. Шу ҳақда фикрингиз?
- Ҳар бир ўйинимизни таҳлил қилган ҳолда машғулотларда ишлаб келяпмиз. Биринчи навбатда ҳимоячиларимизга айтар гапим: дадил ўйнаш керак. Чунки ҳужум аввало ҳимоядан бошланади, шуни унутмаслигимиз лозим. Ўйлайманки, натижаларимиз янаям яхши бўлади. Бу борада ишлаймиз.
