"Бу "Барселона"га топ-даражадаги ҳимоячилар сув ва ҳаводек зарур. Биз тун бўйи ҳакамлик ҳақида баҳслашишимиз мумкин, лекин ўзимизга нисбатан танқидий қарашимиз ҳам керак — жамоада яхшиланиши лозим бўлган жиҳатлар жуда кўп. Агар ҳеч нарса ўзгармаса, яқин ўн йил ичида ҳам шундай шармандали ҳолатларни кўришда давом этамиз.
Европанинг бундай муҳим баҳсларида юқори ҳимоя чизиғи (high line) билан ўйнаш вазиятни жуда қийинлаштиради. Мен бу ҳақда икки йилдан бери гапириб келяпман: бу "Барселона" ҳатто ўзи устунлик қилаётган вақтда ҳам рақибга имкониятлар тақдим этади. Шу сабабли плей-офф босқичларидан ўтиш ҳаддан ташқари мушкул бўлиб қолмоқда.
Юқори барқарорлик бўлмас экан, биз бу даражада қолишга умид қилолмаймиз. Афсусдаман, лекин кейинги мавсумдаёқ жамоага элита даражасидаги марказий ҳимоячилар керак. Агар сизда бўшлиқларни ёпиш учун керакли тезлик ва чидамлилик бўлмаса, сиз ўзингизни ҳақиқий даҳшатга маҳкум этасиз. Бу шунчаки омадсиз оқшом эмас — бу тезкор ечим талаб қиладиган тизимли муаммодир", — деди Анри CBS эфирида.
Эслатиб ўтамиз, "Барселона" жавоб учрашувида 2:1 ҳисобида ғалаба қозонган бўлса-да, Эрик Гарсиянинг қизил карточкаси ва ҳимоядаги хатолар туфайли мусобақадаги юришини тўхтатишга мажбур бўлди.
