- Нидерландия билан учрашув ҳақида қандай фикрдасиз?
- Авваламбор, АҚШга хуш келибсизлар! Энди биз мезбон бўлиб қолдик, адашмасам, сизлар кеча келдингиз (кулади).
Канада билан баҳс бизга дарс бўлганди. Ўшанда қилган хатоларимизни бугунги ўйинда қилмасликка ҳаракат қилдик ва қисман бунга эришдик. Ўйиндан ўйинга кучайиб боришимиз керак, шундай бўляпти ҳам. Бугунги рақиб Канададан кучлироқ эди. Айрим хатоларга қарамай, муносиб ўйин кўрсатдик. ЖЧда бу хатоларни янада камайтирамиз.
- Сиз ва Эрон чемпионатида тўп тепадиган бошқа футболчилар тахминан 4 ой ўйин амалиётисиз қолиб кетди. Машғулот ўтказиб бордингиз, аммо ўйин амалиёти барибир ўз сўзини айтади. Бу қанчалик қийин бўлди? Ҳозирги ҳолатингиз қанақа?
- Ҳозирги ҳолатим анча яхши. Жисмонан чемпионат давом этаётганидан ҳам кўра яхшироқ ҳолатдаман. Психологик жиҳатдан ҳам муаммо йўқ. Шунинг учун бир нима дейиш қийин. Лекин ўйиндан ўйинга ҳолатимиз яхшиланмоқда.
- АҚШдаги об-ҳаво ва иқлим ҳақида қандай фикрдасиз? Кўпчилик шу ҳақда гапирмоқда...
- Америкада ҳаво яхши. Менимча, Ўзбекистонда бундан-да иссиқ. Бунақа ҳавога ўрганганмиз. Тўғри, Мексикадаги биринчи ўйин қийин ўтади. Бироқ профессионалмиз, қўлимиздан келганича меҳнат қиламиз. Эҳтимол, Колумбия бу иқлимда кўпроқ ўйнаган бўлиши мумкин. Лекин майдон текис — тўп юмалоқ. Ҳаммасини ўйин кўрсатади.
- Жамоадаги муҳит қанақа? Масалан, Каннаваро ЖЧни кўрган инсон...
- Муҳит зўр. Ўйиндан ўйинга кучайиб боряпмиз. Бир жамоага айланганмиз. Ҳамма бир-бирини қўллаб-қувватлашга, камчиликларни бартараф этишга уриняпти. Бизга келган докторлар, массажчилар ва мураббийлар ҳам кўмак беришмоқда. Бир сўз билан айтганда, битта кучга айланганмиз.
