Бу ҳақда Sport.es хабар бермоқда.
Манба берган маълумотга кўра, 27 ёшли футболчининг "Қироллик клуби"даги маоши қарийб 12 миллион еврони ташкил қилади. Конате "Ливерпуль"даги охирги мавсумида ҳам тахминан шунча маош олган. Франциялик футболчи 2030 йилгача мўлжалланган шартномага имзо чекади.
"Ливерпуль" 31 май куни Конате билан ҳамкорлик тўхтатилганини эълон қилган эди. Ҳимоячи мерсисайдликлар сафида 2021 йилнинг ёзидан буён ўйнаб келаётган эди. Ушбу давр мобайнида франциялик футболчи барча турнирларда 183 та ўйинда иштирок этиб, 7 та гол ва 4 та голли узатмани ўз ҳисобига ёздириб қўйди.
