Бу ҳақда “Sky Sports” хабар берди.
Манбага кўра, лигалар вакиллари асосий масалалар бўйича, жумладан, халқаро футбол тақвимини шакллантиришда маслаҳатлашувларни кенгайтиришни талаб қилишади. Баёнотда ФИФА президенти Жанни Инфантинонинг истеъфоси талаби бўлиш-бўлмаслиги ҳозирча номаълум.
Июль ойида Инфантино ФИФАнинг асосий эркаклар ва аёллар ўртасидаги мусобақаларини назорат қилиши керак бўлган FIFA Forward Enterprise компаниясини ташкил этишни таклиф қилгани хабар қилинганди. Ушбу лойиҳа орқали 4,2 миллиард доллар жалб этилиши кўзда тутилганди, аммо мазкур ташаббус футбол мутасаддилари, федерациялар ва ташкилотлар томонидан танқидга учради.
56 ёшли Инфантино 2016 йилнинг февралидан буён ФИФАни бошқариб келмоқда. Кейинчалик у муқобилсиз асосда икки марта қайта сайланган. Ташкилот президенти учун навбатдаги сайлов 2027 йилнинг мартида бўлиб ўтади.
