"Оқ бўрилар" кечадан миллий футбол марказида машғулотларга киришди. Ярим ҳимоячи Нодир Абдураззоқов тайёргарлик жараёни ҳақида фикр билдирди.
"Терма жамоадан чақирув олиш ҳар бир футболчи учун ёқимли. Хурсанд бўлдим. Ўзимни кўрсатишга ҳаракат қиламан", — дейди Нодир Абдураззоқов.
— Ўтган ФИФА кунларида таркибдан жой олмаган эдингиз. Ўшанда телефон қўнғироқ орқали ишора қилгандингиз, кейин эса уни терма жамоага алоқаси йўқлигини айтдингиз...
— Хайронман, ҳозир ижтимоий тармоқлар ривожланиб кетган. У терма жамоага алоқаси йўқ эди.
— Осиё Кубоги бир йилга қолдирилиши сиз ва бошқа футболчиларга яна ўзини кўрсатиши учун имкониятми?
— Осиё Кубоги бир ойдан кейин ёки бир йилдан кейинми, яхши ҳолатда бўлиб турсак, насиб қилгани бўлади.
— Россия ва Саудия Арабистонини услуб жиҳатдан қандай фарқлаш мумкин?
— Россия жисмоний тарафлама кучлироқ деб ўйлайман. Саудия Арабистони чемпионати кучайганини ҳамма кўриб турибди. Фойдали ўйинлар бўлиши шубҳасиз.
