Улардан бири Азизбек Тўлқинбеков дастлабки таассуротлари билан ўртоқлашди.
"Терма жамоа йиғинига иккинчи марта чақирилдим, лекин мен учун биринчи машғулот ҳисобланади. Буёғига фақат ҳаракат қиламан", — дейди Азизбек Тўлқинбеков.
— 3 тоифадаги терма жамоада ўйнаш қийин бўлмаяптими?
— Чақиришяптими, демак керакман. Ҳаммасига ёрдам беришга ҳаракат қиляпман.
— Йиғинга 25-30 нафар футболчи чақирилди. Олдиндаги ўйинларда қанчалик имкониятга эга бўласиз?
— Имконият берса ёки бермаса миллий терма жамоага чақирилиш катта бахт. Имкониятдан максимал фойдаланишга ҳаракат қиламан.
— Фабио Каннаваро билан шахсан гаплашиб кўрдингизми?
— Ҳали гаплашганим йўқ.
