Жамоа сербиялик марказий ҳимоячи Страхинья Бошняк билан 2026 йил мавсуми якунига қадар амал қиладиган шартнома имзолади.
27 ёшли футболчи 1999 йил 18 февралда Сербиянинг Кралево шаҳрида туғилган. У 1,84 метр бўйга эга бўлиб, чап оёқда ўйнайди. Асосий позицияси — марказий ҳимоячи. Страхинья Сербия ва Босния ва Герцеговина фуқаролигига эга.
Бошняк футболчилик фаолиятини ОФК “Белград” академиясида бошлаган, кейинчалик Сербиянинг машҳур «Партизан» академиясида таҳсил олган. Катта футболда эса “Партизан”, “Вождовац”, “Жарково”, “Раднички” (Сремска Митровица), Италиянинг “Гравина” ҳамда сўнгги марта Сербиянинг “Дубочица” (Лесковац) клублари сафида тўп тепган.
Ҳимоячи Сербиянинг турли ёш тоифасидаги терма жамоаларида ҳам мунтазам ўйнаган. У U-16, U-17, U-18 ва U-19 жамоаларида жами 40 дан ортиқ учрашувда иштирок этган, U-21 терма жамоаси сафида эса 1 та расмий ўйинда майдонга тушган.
Шунингдек, “Машъал” россиялик дарвозабон Владислав Русанов билан шартнома имзолади.
Муборакнинг “Машъал” футбол клуби янги мавсум олдидан таркибини кучайтиришда давом этмоқда. Клуб россиялик дарвозабон Владислав Русанов билан меҳнат шартномаси имзолади.
24 ёшли посбон 2001 йил 1 август куни Россиянинг Санкт-Петербург шаҳрида туғилган. Унинг бўйи 2,00 метр бўлиб, дарвозабон позициясида ҳаракат қилади.
Футболчилик фаолияти давомида Беларуснинг “Энергетик-БГУ” ҳамда Россиянинг “Леон Сатурн” жамоалари шарафини ҳимоя қилган. Сўнгги икки ярим мавсумда “Леон Сатурн” сафида 50 дан ортиқ расмий учрашувда майдонга тушиб, ўзини ишончли дарвозабон сифатида намоён этган.
