Франция миллий терма жамоаси сўнгги 14 йил ичида илк бор мураббийлар ўриндиғида Дидье Дешамсиз расмий ўйинга тайёргарлик кўрмоқда. Бир неча ой олдин эълон қилганидек, 57 ёшли мутахассис Франция миллий жамоасининг 3-ўрин учун кечган баҳсда Англиядан учралган томошабоп мағлубият (4:6) билан якунланган ЖЧ-2026'даги иштирокидан сўнг истеъфога чиқди.
Ўшандан бери "учранглилар"нинг собиқ бош мураббийи янги ҳаёт тарзини кечирмоқда — терма жамоа атрофидаги шов-шувлардан узоқда. Селин Дион концерти, Бретандаги дам олиш... 2018 йилда Францияни иккинчи чемпионлик юлдузига олиб келган устоз кунларини мароқли ўтказмоқда, бироқ футболни бутунлай тарк этгани йўқ.
Гарчи ўз вақтида унинг номи "Ал Ҳилол" билан боғланган ҳамда ёзда у Мадриднинг "Реал" клуби шорт-листидан ўрин олган бўлса-да, "Марсел" собиқ мураббийига миллий терма жамоалардан бири ҳам таклиф билан чиқди.
“Le Figaro” нашрининг хабарига кўра, Дидье Дешамга Миллатлар Лигаси учрашувида Франциянинг рақиби бўлган Туркия қизиқиш билдирган. Винченцо Монтелла бирдек тўлиқ қўллаб-қувватланмаётгани ва туркияликлар ўтган Жаҳон чемпионатининг гуруҳ босқичидаёқ курашдан чиқиб кетгани фонида маҳаллий футбол федерацияси (TFF) Дешам билан шов-шувли келишувга эришишга ҳаракат қилди. 1998 йилги жаҳон чемпиони таклифни рад этишга шошилмаяпти ва ўйлаб кўриш учун вақт олишга қарор қилди.
Эслатиб ўтамиз, Туркия бугун Миллатлар Лигаси 1-турида Францияни меҳмон қилади. Учрашув Тошкент вақти билан 23:45 га белгиланган.
