— Флорентино Переснинг матбуот анжумани ҳақида нима дея оласиз?
— Мен бу ерда президентнинг чиқишини шарҳлаш учун турганим йўқ. Ҳар бир мадридист "Мадрид" манфаатларини ҳимоя қилиш кераклигига қўшилади. Бизга дунёнинг бошқа клубларига қараганда ўзгача муносабатда бўлишади. Биз босим даражаси қандай эканлигини биламиз ва бу клуб "сосьос" (клуб аъзолари) туфайли кучлидир. Ҳеч ким бизга қандай фикрлашни, ким бўлишни ва қандай йўл тутишни ўргата олмайди.
— Президент ўғирланган чемпионликлар ҳақида гапирди. Бу фикрга қўшиласизми?
— Албатта. Сўнгги 20 йил ичида нималар содир бўлганини барчамиз кўриб турибмиз. Ҳали биз билмайдиган нарсалар ҳам бўлиши мумкин. Агар Негрейра иши тўлиқ очилса, ажойиб бўларди.
Бу ноқонуний ва футболга алоқадор бўлган барчамиз учун ақл бовар қилмайдиган ҳолат эканлиги кундай равшан. Фақат футболнинг ўзи қонунийликни ҳимоя қилаётгани ҳайратланарли кўринмоқда. Барча "Реал" мухлислари бу фикрга қўшиладилар.
— Сиз Флорентино Перес учун овоз берган бўлармидингиз?
— Мен "сосьо" эмасман, шунинг учун овоз бермайман. Мен "Реал"ни Флорентино бўлмаган даврида ҳам кўрганман. У келишидан олдин нималар бўлганини ва сўнгги 26 йил ичида клуб қандай ҳолатга келганини биламан.
"Реал" ишқибозлари Флорентино совринлардан ташқари яна нималарга эришганини яхши англашади. Агар кимдир вазиятни ўзгартира олса, бу фақат Флорентино Пересдир", — деди Арбелоа.
Эслатиб ўтамиз, "Барселона" ва унинг раҳбариятига Испания Қироллик футбол федерацияси (RFEF) Ҳакамлар техник қўмитаси (CTA) собиқ вице-президенти Хосе Мария Энрикес Негрейрага тўловлар амалга оширилгани бўйича пора бериш айби қўйилган эди.
