Сергей Лушчан: “Биз учун оғир ўйин бўлди. ОКМК ўйинда тотал устунликка эга бўлишини билардик. Кетма-кет учинчи баҳс ҳимоядан ўйнашга ҳаракат қиляпмиз. Бошқа йўлимиз ҳам йўқ. Кераксиз четлатиш содир бўлди, аммо футболда шунақаси ҳам бўлиб туради. Ҳозир сиқилишдан фойда йўқ. Бу ўйин ортда қолди, Суперлигада жон сақлаб қолиш учун олдимизда 10та баҳс бор.
- “Машъал” иккинчи даврани жуда яхши бошлади. Ҳозирги оғир шароитда жамоа мотивацияни қаерда оляпти?
- Билмайман. Биз мотивация олдик деб ўйламайман. Йигитларга ўз таклифимизни бердик, улар қабул қилишди. Йигитларга заррача эътироз йўқ. Биринчи ўйин яхши бўлди, иккинчи баҳсда баъзи камчиликларга йўл қўйдик. Бугун битта вазиятдан ташқари деярли ҳимояда ўйнадик. Биз охриги 10та турга режа қилганмиз. Сентябрдан бошлаб бор кучни ишга солишга ҳаракат қиламиз. Ҳозир йигитлар ишлашяпти, ўрганишяпти. Тўғри хулоса чиқарсак, ҳаммаси яхши бўлади. Ортиқча гапдан фойда йўқ.
