So’nggi yangiliklar

09:07Ўзбекистон футзал терма жамоаси янги бош мураббий қўл остидаги илк йиғинига киришади. Таркибда кимлар бор?  1 08:26Неймар «Сантос»га қайтганидан сўнг илк голини урди  0 08:03Sofascore. Шомуродов ва унинг жамоадошлари «Парма»га қарши неча баҳога лойиқ кўрилди?  7 07:30ОЧЛ 2. Бугун «Пахтакор» гуруҳдаги сўнгги учрашувини ўтказади  10 03:05Ла Лига. "Бетис" "Реал Сосьедад"ни мағлуб қилди. Антони кетма-кет учинчи ўйинда ҳам гол урди  2 03:00А Серия. "Ювентус" Консейсаунинг ягона голи эвазига "Интер"ни мағлубияга учратди  12 00:35Рубен Аморим: "Мени жадвалдаги ўрнимиз ташвишга соляпти. Мағлубият – дунёдаги энг ёмон туйғу"  9 00:10А Серия. "Рома" меҳмонда "Парма" устидан ғалаба қозонди. Шомуродовнинг ажойиб паси рақиб футболчиси четлатилишига сабаб бўлди  97 23:49Ўзбекистон аёллар футзал терма жамоаси CAFA мусобақасида кумуш медални қўлга киритди  0 23:45"Реал" соврин ютмаса, Карло Анчелотти истеъфога чиқади  14 23:30АПЛ. "Манчестер Юнайтед" меҳмонда "Тоттенхэм"га ютқазди ва 15-ўринга тушиб кетди  24 23:08Кай Хаверц жарроҳлик операциясини бошидан ўтказди  0 22:40Санжар Турсунов футболчилик фаолиятини якунлади  28 22:40U-20 Осиё кубоги. Ўзбекистон Индонезия устидан ғалаба қозонди, Ўринбоевдан гол ва голли узатма!  0 22:10Феликс Санчес: "Пахтакор" ҳозирги кунда ўзига хос бўлмаган натижалар қайд этмоқда"  8

Pro-liga ishtirokchisiga aylangan universitet klubi - "FarDU" bosib o'tgan yo'l bilan yaqindan tanishamiz (Bekzod Tolibov blogi) Yangiliklar

Pro-liga ishtirokchisiga aylangan universitet klubi - "FarDU" bosib o'tgan yo'l bilan yaqindan tanishamiz (Bekzod Tolibov blogi)

O'zPFL bosh direktori Diyor Imomxo'jaev "Futbol" telekanaliga bergan intervyusida klublarning xususiylashtirilishi amaliyotini universitetlar va futbol akademiyalari jamoalari orqali tartibga solish va jadallashtirish masalasiga urg'u qaratdi.

2030 yilga qadar futbol klublari to'liq xususiylashtiriladigan bo'lsa, bu jarayonni kelgusida duch kelishimiz mumkin bo'lgan muammolarga echim bo'la oladigan konkret g'oya ekanini tushunsak bo'ladi.



O'zPFL ayni g'oya bo'yicha yurishni allaqachon boshladi, 2024 yilgi mavsumdan viloyat futbol akademiyalari Birinchi ligaga jalb etildi. Milliy chempionatlarimizda universitet futbol jamoalari paydo bo'ldi, "FarDU" va "BuxDU" nomlari bilan tashkil etilgan klublar Liga bayrog'i ostida o'tadigan musobaqalarga jalb etildi. Bu borada "FarDU"ning maqsadlari jiddiy ekani malum bo'ldi, jamoa Birinchi ligadagi debyut mavsumidayoq chempionatning bronza medallariga ega chiqdi. Ushbu natija ortidan O'zPFL rasmiy sayti 2025 yilgi mavsumdan O'zbekiston Pro-ligasida "FarDU" nomli yangi ishtirokchi paydo bo'lganligini elon qildi.



Farg'ona davlat universitetining "FarDU" futbol klubi 2021 yilgi mavsumdan oliygoh rektori Bahodirjon SHermuhammadov tashabbusi bilan alohida etiborga olindi. Bundagi maqsad universitetda tahsil olayotgan talaba yoshlarni keng miqyosda sportga jalb etish, futbol sport turining ommaviyligini yanada oshirish hamda nazariya va amaliyot uyg'unligini taminlashga qaratilgan edi. Universitet qoshida tashkil etilgan futbol klubiga ko'rsatilayotgan tez orada o'z samarasini berdi, jamoa 2023 yilgi mavsumda Farg'ona viloyati Farg'ona viloyati Ikkinchi ligasida chempionlikni qo'lga kiritdi. Ushbu natija "FarDU" futbol klubiga Birinchi ligaga o'tish turnirida qatnashish huquqini taqdim etdi. 2023 yil dekabr oyida Surxandaryo viloyatida tashkil etilgan Birinchi ligaga o'tish turnirida "FarDU" musobaqaning 3-o'rini sohibi bo'ldi va 2024 yilgi mavsumdan O'zPFL bayrog'i ostida o'tadigan Birinchi ligada ishtirok etish imkoniyatiga ega bo'ldi. "FarDU" ortda qolgan 2024 yilgi mavsumda Birinchi liganing SHarqiy mintaqasida 2-o'rinni qo'lga kiritdi. G'arbiy va SHarqiy mintaqaning 8 ta eng kuchli jamoalari ishtirokida tashkil etilgan mavsumning yakuniy final bosqich o'yinlarida 3-o'rinni qo'lga kiritib, debyut mavsumidayoq Birinchi liganing bronza medallariga ega chiqdi.



O'zbek futbolida professionallik sari aniq maqsadlar bilan odimlayotgan futbol klubi paydo bo'layotgani ortidan 2024 yil noyabr oyining so'ngi kunlarida O'zPFL delegaciyasi Farg'onaga tashrif buyurdi va jamoa rahbariyati bilan kelgusidagi maqsadlar hamda licenziyalash talablarini bajarish yuzasidan uchrashuv o'tkazdi. Ana shu uchrashuv doirasida klub mutasaddilariga Superliga va Pro-liga klublariga qo'yiladigan licenziyalash talablari haqida batafsil malumot berildi. "FarDU" mazkur talablarni bajarish uchun tezda ishga kirishdi, tegishli mutaxassislarni jalb etgan holda klub stadionida qayta rekonstrukciya ishlari boshlandi. Xususan, stadion tribunasidagi o'rindiqlar yangilandi, futbol maydoniga Ispaniya davlatidan keltirilgan maysa urug'lari ekib chiqildi. Jamoa o'z stadionini licenziyalash talablariga to'liq mos holga keltirguniga qadar Pro-liga o'yinlarini o'tkazib turish uchun Farg'ona shahridagi "Istiqlol" stadioni bilan kelishuvga erishdi. SHuningdek, avvaldan shakllantirib kelinayotgan U-19 yoshlar jamoasini Liga ro'yxatidan o'tkazish ishlari dekabr oyidayoq boshlandi. Klub tomonidan amalga oshirilayotgan maqsadli harakatlar ortidan kirib kelgan yangi 2025 yilning ilk kunlaridayoq O'zPFL rasmiy sayti orqali "FarDU" Pro-liga ishtirokchilari safiga qo'shilgani malum qilindi. Universitetlar qoshida futbol klublarining tashkil etilishiga hukumat darajasiga ham etibor berilmoqda. Xususan, bunga yorqin misol tariqasida Farg'ona davlat universiteti rektori Bahodirjon SHermuhammadovga Sport vaziri Adham Ikromov tomonidan "Olimpiya va paralimpiya shon-shuhrati" muzeyida tashkil etilgan marosimda "Jismoniy tarbiya va sport alochisi" ko'krak nishoni topshirildi.



"FarDU" klubining murabbiylar shtabida futbolimizning taniqli vakillaridan Sergey Lebedev va Abdusamad Do'rmonovlar faoliyat olib borishmoqda. Jamoa tarkibida universitet talaba-yoshlari bilan bir qatorda Abduxoliq Qurbonov, Riza Ayvazov, Ibodjon Abelfazov, Sanjar Zokirov, Doston Rashidov, Nozimjon Bobojonov kabi tajribali futbolchilar ham harakat qilishmoqda. Ortda qolgan mavsumda jamoani sardor sifatida maydonga boshlab tushgan tajribali himoyachi Abduxoliq Qurbonov ham hozirda ushbu oliygoh talabasi hisoblanadi. SHuningdek, klub Pro-liga yangi mavsumi oldidan Farg'ona futbolining taniqli vakillaridan hisoblangan SHukurali Po'latov transferini ham elon qildi. Ayni kunlarda yangi mavsumga tayyorgarlikning dastlabki qismini Farg'onada tashkil etayotgan "FarDU" tarkibida bir qator yangi futbolchilar ko'rikdan o'tkazilmoqda.


Bekzod Tolibov

Reyting: +1   

Fikrlar

   
15 jan 17:36:18
X.M.B.
Assalomu alaykum shunaqa rektorlar ko'paysin
   
15 jan 01:31:47
Znznzb Ihdhste
Rektor almashsa hammasi tugamasligi uchun xozirdan jiddiyroq harakatlar qilish kerak akademiya qurib qo'yish kerakmi
championat.asia
< so’nggi yangiliklarni ko’rish
Яндекс.Метрика