Fransiya milliy terma jamoasi so'nggi 14 yil ichida ilk bor murabbiylar o'rindig'ida Dide Deshamsiz rasmiy o'yinga tayyorgarlik ko'rmoqda. Bir necha oy oldin e'lon qilganidek, 57 yoshli mutaxassis Fransiya milliy jamoasining 3-o'rin uchun kechgan bahsda Angliyadan uchralgan tomoshabop mag'lubiyat (4:6) bilan yakunlangan JCH-2026'dagi ishtirokidan so'ng iste'foga chiqdi.
O'shandan beri "uchranglilar"ning sobiq bosh murabbiyi yangi hayot tarzini kechirmoqda - terma jamoa atrofidagi shov-shuvlardan uzoqda. Selin Dion koncerti, Bretandagi dam olish... 2018 yilda Fransiyani ikkinchi chempionlik yulduziga olib kelgan ustoz kunlarini maroqli o'tkazmoqda, biroq futbolni butunlay tark etgani yo'q.
Garchi o'z vaqtida uning nomi "Al Hilol" bilan bog'langan hamda yozda u Madridning "Real" klubi short-listidan o'rin olgan bo'lsa-da, "Marsel" sobiq murabbiyiga milliy terma jamoalardan biri ham taklif bilan chiqdi.
“Le Figaro” nashrining xabariga ko'ra, Dide Deshamga Millatlar Ligasi uchrashuvida Fransiyaning raqibi bo'lgan Turkiya qiziqish bildirgan. Vinchenco Montella birdek to'liq qo'llab-quvvatlanmayotgani va turkiyaliklar o'tgan Jahon chempionatining guruh bosqichidayoq kurashdan chiqib ketgani fonida mahalliy futbol federatsiyasi (TFF) Desham bilan shov-shuvli kelishuvga erishishga harakat qildi. 1998 yilgi jahon chempioni taklifni rad etishga shoshilmayapti va o'ylab ko'rish uchun vaqt olishga qaror qildi.
Eslatib o'tamiz, Turkiya bugun Millatlar Ligasi 1-turida Fransiyani mehmon qiladi. Uchrashuv Toshkent vaqti bilan 23:45 ga belgilangan.
