Biroq bu g'alaba madridliklar uchun ancha qiyin bo'ldi.
Tanaffus vaqtida himoyachi David Alaba chap oyog'ida noqulaylik sezib, almashtirildi. Uning o'rnini Eduardo Kamavinga egalladi. Fransiyalik futbolchi deyarli o'yin oxirigacha o'ynadi, ammo qo'shib berilgan vaqt boshida u ham Luis Miglianing qo'polligi natijasida jarohat olib, maydonni tark etdi.
Har ikki futbolchi bugun tibbiy tekshiruvdan o'tadi va qancha muddatga safdan chiqqani ma'lum bo'ladi.
Eslatib o'tamiz, Real Madrid navbatdagi uchrashuvini Barselonaga qarshi Ispaniya kubogining finalida o'tkazadi. Uchrashuv 26 apreldan 27 aprelga o'tar kechasi bo'lib o'tadi.
