Tajribali posbon bo'lajak bahs farg'onalik muxlislar uchun haqiqiy bayram bo'lishini ta'kidladi:
"Aynan qaysi jamoa raqib bo'lishining u qadar farqi yo'q. Eng muhimi - o'z uyimizda o'ynaymiz. Bu yilgi mavsumda bizga tushishi mumkin bo'lgan deyarli barcha jamoalarga qarshi maydonga tushib ulgurdik.
To'g'risini aytsam, bu yilgi Kubok bahslarida Birinchi va Pro-liga jamoalari juda yaxshi o'yin ko'rsatishmoqda. Shu sababli hali to'qnash kelmagan "Olimpik-Mobiuz" yoki "Jayxun" kabi jamoalar bilan ham kuch sinashib ko'rgan bo'lardik.
Lekin yana bir bor qaytaraman: raqib kim bo'lishidan qati nazar, uchrashuvning Farg'onada o'tishi mahalliy muxlislar va butun vodiy ahli uchun qo'shimcha futbol bayrami bo'ladi. Bu juda ajoyib holat", – deydi Akbar To'raev.
Ma'lumot uchun, qur'a tashlash marosimi 2 iyun kuni bo'lib o'tadi.
