Тажрибали посбон бўлажак баҳс фарғоналик мухлислар учун ҳақиқий байрам бўлишини таъкидлади:
"Айнан қайси жамоа рақиб бўлишининг у қадар фарқи йўқ. Энг муҳими — ўз уйимизда ўйнаймиз. Бу йилги мавсумда бизга тушиши мумкин бўлган деярли барча жамоаларга қарши майдонга тушиб улгурдик.
Тўғрисини айтсам, бу йилги Кубок баҳсларида Биринчи ва Про-лига жамоалари жуда яхши ўйин кўрсатишмоқда. Шу сабабли ҳали тўқнаш келмаган "Олимпик-Mobiuz" ёки "Жайхун" каби жамоалар билан ҳам куч синашиб кўрган бўлардик.
Лекин яна бир бор қайтараман: рақиб ким бўлишидан қатъи назар, учрашувнинг Фарғонада ўтиши маҳаллий мухлислар ва бутун водий аҳли учун қўшимча футбол байрами бўлади. Бу жуда ажойиб ҳолат", – дейди Акбар Тўраев.
Маълумот учун, қуръа ташлаш маросими 2 июнь куни бўлиб ўтади.
