Championat.asia sayti turning eng yaxshilarini aniqladi.
Tur murabbiyi - Nematilla Qutiboev (“Aral”)
“Aral” ortda qolgan turda Toshkentda “G'azalkent” mehmoni bo'lib, ishonchli g'alabaga erishdi - 2:0. Uchrashuvda Qutiboevning barcha ishlanmalari ish berdi va “Aral” maydonda katta ustunlik qilgan holda zavar quchdi. Shunday qilib, Championat.asia sayti qoraqalpog'istonliklarning de-fakto bosh murabbiyini tur ustozi deya etirof etdi.
Tur futbolchisi - Azizbek Abdumo'minov (“Metallurg”)
“Metallurg”ga yangi qo'shilgan O'zbekiston U-17 terma jamoasi a'zosi Azizbek Abdumo'minov “Lochin” bilan bellashuvda (5:0) dublni rasmiylashtirib, jamoasi g'alabasida munosib hissasini qo'shdi. Championat.asia ijodkorlari 17 yoshli hujumkor yarim himoyachini tur futbolchisi deb topdi.
Tur darvozaboni - Dilshod Yoqubov (“FarDU”)
“FarDU” bu turda “Yaypan” maydoniga safar uyushtirib, minimal hisobda g'alaba qozondi (1:0). Mazkur bahsda 24 yoshli darvozabon bir qator vaziyatlarda o'z mahoratini namoyish etdi va darvozani “quruq” saqladi. Shunday qilib, aynan Dilshod Yoqubov tur darvozaboni nomiga loyiq ko'rildi.
Tur goli - Asadbek Mustafaqulov (“QMU Jayxun”)
“QMU Jayxun” bu turda “BuxDU”ni 5:1 hisobida tor-mor etdi. Mezbonlarning ikkinchi golini 47-daqiqada Asadbek Mustafaqulov urdi. Himoyachining chap oyoqda olisdan yo'llagan kuchli zarbasidan keyin to'p darvoza to'siniga tegib to'rdan joy oldi. Aynan shu gol turdagi eng chiroylisi sifatida qayd etildi.
