"Paxtakor" joriy mavsum Superligada safar maqomida 6 ta uchrashuv o'tkazib, hali biror marta ham mag'lubiyat alamlarini totib ko'rgani yo'q. Toshkentliklar ushbu o'yinlarda deyarli maksimal ochko to'plashdi - yagona durang "Surxon"ga qarshi bahsda qayd etildi (1:1).
Ma'lumot uchun: "Paxtakor" Superliga doirasida so'nggi bor safarda mag'lub bo'lganiga ham bir yildan oshdi. Jamoa 2025 yilning 3 may kuni Termizda "Surxon"ga taslim bo'lgan edi. Shundan beri "sherlar" mehmondagi bahslarda mag'lubiyat nimaligini bilmay kelishmoqda.
Bugun "Andijon" mehmoni bo'ladigan "Paxtakor" o'z ananasini davom ettiradimi?
