Bu haqda "New York Post" xabar bermoqda.
Nashr ma'lumotlariga ko'ra, tashabbus butun dunyo bo'ylab futbol mutasaddilarining ochiqchasiga qarshiliklari va FIFA shafeligidagi turnirlarni ommaviy boykot qilish tahdidi sababli to'liq mag'lubiyatga uchradi. Hozirda FIFA vakillari loyihani zudlik bilan yopish bo'yicha maslahatlashuvlar olib bormoqda.
Avvalroq FIFA qiymati 20 milliard dollarga teng bo'lgan sho'ba kompaniyasini yaratishni nazarda tutuvchi loyiha koncepciyasini e'lon qilgan edi. Uning to'rtdan bir qismini xususiy investorlarga 4,2 milliard dollarga sotish rejalashtirilgan edi. Milliy federatsiyalarga to'lovlarni kelgusi to'rt yillik cikl uchun 8 million dollardan 20 million dollargacha, keyingi ikki ciklda esa tegishlicha 22 million va 24 million dollargacha oshirish ko'zda tutilgan edi. Loyihani boshlash to'g'risidagi qarorni federatsiyalarning ko'pchiligi qabul qilishi kerakligi takidlangan edi. Shuningdek, FIFA Kengashining roziligini olish talab etilardi.
Infantinoning katta maslahatchisi Karlos Kordeyro "FIFA rahbarining rejalariga norozilik belgisi sifatida" o'z lavozimini tark etdi. Tashabbus Yevropa futbol assotsiatsiyalari ittifoqi (UEFA) tomonidan qo'llab-quvvatlanmadi, uning barcha 55 a'zosi FIFA turnirlarda ishtirok etishdan bosh tortish bilan tahdid qildi.
