- Ўйин ҳақида фикрингиз?
- Бугунги ўйиндан ва мағлубиятдан тушкунликка тушмасликка ҳаракат қиламиз. Насиб қилса кейинги беллашувларда ғалаба қозониб мухлисларни хурсанд этамиз. Жуда қизиқарли баҳс гувоҳи бўлдик, иккинчи таркибимиз билан Суперлига жамоасига жиддий қаршилик кўрсата олдик деб ўйлайман. Асосий таркибдан 8-9 нафар футболчига дам бердик. Улар бизга Пролигада кўпрок керак. Майдонда ҳаракат қилган йигитларга эътирозим йўқ. Энди барибир Суперлига ўз номи билан Суперлига, орадаги фарқ билинади.
- Аввалги матбуот анжуманларидан бирида ғалаба қозонган таркибни алмаштиришни хоҳламайман дегандингиз. Бу фикр асосан Пролига ўйинларига тўғри келяпти, лекин Кубокда ротация амалга оширилди.
- Ҳа, тўғри. Кубокда бошқаларни ҳам кўздан кечириб олишни ният қилгандик. Кубокда гуруҳдан чиқдик ҳам дейлик, лекин қаергача борамиз? Албатта, қанча узоқ борсак шунча яхши, лекин ҳамма ўз кучига баҳо бериб ҳаракат қилиши керак. Агар ўйинлар ораси бир ҳафта бўлса, мен ҳам тўлиқ асосий таркибни ўйнатаман.
Бугунги об-ҳавода асосий таркиб тушганида футболчиларга юклама янада оғир бўларди. Чунки олдинда Пролига баҳслари кутяпти. Пролиганинг барча ўйинлари биз учун оғир ўтяпти, қанийди 2:0, 3:0 ҳисобида олдинда бораётган бўлак, мен ҳам бошқаларга имкон берардим. Лекин уларни Кубокда синаб олмасак, бошқа қачон шунақа имкон бўлади? Чемпионатда умуман ўйнамаганлар Кубок орқали амалиётга эга бўлишди.
