- Хўш, нима ҳам дейиш мумкин… Ўйинни яхши бошладик, бошида тўғри ўйнаётгандек эдик, кейин эса аҳмоқона хатоларга йўл қўя бошладик. Бу эса гол ўтказиб юборишимизга олиб келди. Кейин характер кўрсатиб, олдинга чиқиб олдик ва яна ҳимояда аҳмоқона хатога йўл қўйдик. Бундай голни қандай ўтказиб юбориш мумкин? Айнан ўша ерга узатма бўлишини билиб турган эдик. Тажрибали йигитларнинг бундай ҳимояланиши мени жуда ҳайратда қолдирди. Уларни яна қаердадир қолиб кетишди. 11 метрлик нуқтадан рақиб югуриб келиб, бемалол зарба берди. Албатта, аҳмоқона голлар. Умуман олганда, жанговар дуранг бўлди, ўйлайманки, мухлисларга ўйин ёқди, у ёқдан-бу ёққа ҳужумлар бўлди. Афсуски, навбатдаги икки очкони йўқотдик.
- Жароҳатланган футболчиларнинг аҳволи қандай?
- Ҳозирча ҳаммаси ўша-ўша. Мана, кўриб турганингиздек, Қодирқулов ҳам сафдан чиқди, шунинг учун ҳозирча жароҳатланганлар майдонга тушишга тайёр эмас. Боримиздан келиб чиқиб ҳаракат қиламиз.
- Уларни қачон майдонда кўришимиз мумкин?
- Билмадим, улар интервюларда ўз тахминларини айтишяпти. Шунинг учун қачонлигини айтиш қийин. Тиббий штабимиз қандай ишлашини кўрамиз. Ҳаммаси уларга боғлиқ бўлади. Ўйинлар кетма-кет бўляпти, уларни тайёрлашга ҳам вақт йўқ. Ҳатто улар ҳали машғулот ҳам ўтказишмади, таркибга яқин ҳам келишмаяпти. Шунинг учун айтиш қийин.
- Олдиндаги икки турда ОКМК ва Пахтакор билан ўйинлар бор. Улардан уч очкодан олиш учун нима қилиш керак деб ўйлайсиз?
- Йўқ, бу футбол. Бугун очко йўқотамиз деб ким ўйлаганди? Биз бу ҳақда ўйламагандик. Рақиблар жиддий, шунга яраша тайёрланамиз. Бошқа вариантимиз йўқ. Ким бор бўлса, шулардан келиб чиқиб тайёрланамиз.
- Бурчак зарбалари рақиблар учун доим “Динамо”га қарши хавфли бўлган. Рақиблар буни билади ва шунинг учун ундан фойдаланишни хоҳлашади. Бугун ҳам жамоа бурчакдан гол ўтказиб юборди. Бунга қарши нима қилиш мумкин?
- Айтяпман-ку, биз тушунтирдик. Улар яна қаердадир қолиб кетишди. Улар кўр мушукчалардек рақибларга эргашиб кетишди. Гол уриладиган нуқтани эгаллаш керак-ку. Бу жуда оддий. Гол уриладиган жойлар бор. Ўша ерда ўйнаш ва туриш керак, уларнинг орқасидан қаергадир чиқиб кетиш керак эмас. Айнан улар тўсиқ қўйишлари ва рақиблар гол урмаслиги керак. Лекин бир киши ўша нуқтада пайдо бўлиб, хеч қандай қаршиликсиз гол уради. Бундай бўлмаслиги керак. Барчасини тушунтирамиз, лекин афсуски, майдонда улар шундай қарорлар қабул қилишадики, биз ўзимиз бурчак зарбасини нормал қабул қилиб, бирор нима қила олмаймиз. Баъзан тушунтирмасдан, қандай бўлса шундай бўлсин, деган фикр келади.
- Жаҳонгирбек Абдусаломов сўнгги пайтларда кам ўйнаяпти, лекин бугун захирадан тушиб, битта узатма берди ва битта гол урди. Унинг жисмоний ҳолати қандай? Нега у бунчалик кам ўйнаяпти?
- Йўқ, юклама ҳаммага бир хилда тушади. Шунинг учун биз ўйинни кучайтириш мақсадида уни бироз ушлаб турдик. Ҳар сафар у ўйинни кучайтириш учун майдонга тушади. Бугун у майдонга тушиб, гол урди, иккинчи голни. Шунинг учун ҳозир фақат тактик режалар туфайлигина у камроқ ўйнамоқда.
- Ғалабали сериядан сўнг жамоа “Нефтчи” билан дуранг ўйнади, бу жуда яхши натижа эди. Кейин “Локомотив”га ютқаздик, бугун ҳам ҳамма ғалаба қозонамиз деб кутганди. Ҳамма буни Анвар Ҳожимирзаевнинг йўқлиги билан боғлаяпти. У жамоа ўйинига қанчалик таъсир қилади?
- Йўқ, шубҳасиз, Амонов, Ҳожимирзаев, Ўрозов каби футболчилар, албатта, жамоа етакчилардан ва бундай футболчилар бўлмаганидан кейин ҳар қандай жамоа маълум қийинчиликларга дуч келади. Биз ҳам бундан мустасно эмасмиз. Умид қиламизки, менимча, бу кўпроқ биздаги жадвал билан боғлиқ. Шундай бўлдики, “Локомотив”дан олдин уларда икки кунлик устунлик бор эди. “Хоразм” ҳам бир кун кўпроқ дам олди. Энди Олмалиққа борамиз, ОКМК кеча ўйнади. Биз эса ҳали уларнинг олдига боришимиз керак. Қандайдир шундай бўляптики, биз доим тикланиш қисмида ютқазяпмиз. Умид қиламизки, муносиб кўриниш учун кучимиз етади, кўрамиз. Ўзимдан келиб чиқиб шуни айтаманки, эрталабдан шундай хабарлар келди, ҳа, Абдухолиқовнинг фарзанди вафот этибди. Бу, албатта, катта зарба, мен тушунаман. Шунинг учун жамоа номидан ҳамдардлик билдирдик. Бу у учун жуда даҳшатли фожиа, албатта. Иккинчи фарзанди… Биз ўзимиз номимиздан, жамоа номидан, ҳамма номидан ҳамдардлик билдирамиз. У ўзини тутиши керак. Бу, албатта, оғир. Дунёдаги ягона адолатсизлик, менимча, ота-оналар фарзандларини дафн қилмаслиги керак. Шунинг учун бу жуда қийин. Шунинг учун ҳозир футбол ҳақида гапириш жуда оғир, қийин.
