Ўша вақтда Роналду "Манчестер Юнайтед"га иккинчи қайтиши (2021–2023) давомида қийин даврни бошидан кечираётган эди ва бу қайтиш якунда омадсиз чиқди. Ҳозирда 41 ёшли ҳужумчи Саудия Арабистонининг "Ал Насср" клуби шарафини ҳимоя қилмоқда.
"Челси"да қисқа вақт спорт директори лавозимини эгаллаган америкалик бизнесмен Тодд Боули клуб раҳбариятидаги илк трансфер ойнасида Роналду билан шартнома имзолашга ҳаракат қилган. Боули агент Жорже Мендеш билан учрашган ва битим имкониятига қизиқиш билдирган. Боули Роналдуни Лондонга олиб келиш имкониятини кўрган, аммо бундан бир йил олдин Чемпионлар лигасида ғолиб чиққан Тухель трансферни тўхтатиб қолган. Нашр маълумотларига кўра, германиялик мутахассис "португалиялик ҳужумчининг ўтиши бўйича ҳар қандай келишувга аниқ ва қайта-қайта қатъий эътироз билдирган".
