Бу харид учун Каталония клуби анчагина харажат қилишига тўғри келди ва гап фақат "шаҳарликлар"га тўланиши керак бўлган суммадагина эмас.
Гап Родри Каталония пойтахтида оладиган маош ҳақида ҳам кетмоқда. "Capology" порталининг хабарига кўра, "Олтин тўп" соҳиби "Барселона"да йилига соф 27 миллион евро миқдорида маош олади ва бу кўрсаткич бўйича жамоада яққол етакчига айланади.
Иккинчи ўриндаги Ламин Ямаль 21 миллион евродан сал камроқ, учинчи поғонадаги Рафинья эса 16,7 миллион евро ишлаб топади.
Маълум бўлишича, Родрининг шартномасида йиллик бонуслар миқдори атиги 4 миллион евродан бироз кўпроқни ташкил қилади, Ямалда эса бу рақам 10,4 миллион еврога тенг. Агар асосий маош ва бонуслар қўшиб ҳисобланса, умумий сумма 31 миллион евродан салгина камроқни ташкил этади ва бу кўрсаткич бўйича Родри ҳамда Ямаль бир хил натижага эга.
Эслатиб ўтамиз, Transfermarkt портали маълумотларига кўра, "Барселона" трансфернинг ўзи учун "Манчестер Сити"га 60 миллион евро атрофида пул тўлаган.
