Аввалроқ “Реал” бош мураббийи Жозе Моуринью Мадрид клуби Родри билан шартнома имзолаш имкониятини кўриб чиққанини тасдиқлаганди. Бироқ якунда ярим ҳимоячи яқиндагина уни расман янги ўйинчи сифатида таништирган “Барселона”ни танлади.
Шундай бўлса-да, журналист Ким Доменек “El Chiringuito de Jugones” эфирида таъкидлашича, Бернарду Силва “Манчестер Сити”даги собиқ жамоадошининг Мадридга келишига қарши бўлган.
Манбанинг хабарига кўра, футболчиларнинг Англиядаги биргаликдаги фаолияти давомида улар ўртасидаги муносабатлар унчалик яхши бўлмаган. Айниқса, уларнинг “шаҳарликлар” сафидаги фаолияти якунига яқин муносабатлар янада таранглашгани айтилмоқда.
Айнан шу сабабли ҳозирда “Реал” шарафини ҳимоя қилаётган Силва Родри билан яна бир жамоада бўлиш истиқболига унчалик ижобий қарамаган.
Эслатиб ўтамиз, португалиялик футболчи 2026 йилнинг 17 июнида “Реал” аъзосига айланганди. Ярим ҳимоячи мадридликлар билан 2028 йилнинг июнь ойи охиригача амал қиладиган 2 йиллик шартнома имзолаган.
