Аввалроқ "Реал"нинг амалдаги президенти Флорентино Перес кетма-кет иккинчи марта чемпионликсиз мавсумдан сўнг бу лавозим учун муддатидан олдин сайлов ўтказилишини эълон қилганди.
Перес 2025 йилнинг январь ойида тўрт йилга "Реал" президенти этиб қайта сайланган. 2009 йилдан бери клубда сайловлар ортиқча даъвогарларсиз ўтказиб келинади.
Бу гал Переснинг сайловдаги рақиби бизнесмен Энрике Рикельме бўлади.
79 ёшли Перес 2000 йилдан 2006 йилгача "Реал" президенти бўлиб ишлаган ва 2009 йилда қайта сайланган. Унинг раҳбарлигида клуб 7 марта Испания чемпионатида, 3 марта Испания Кубогида ва 7 марта Испания Суперкубогида, шунингдек, 7 марта Чемпионлар Лигасида, 6 марта УEФА Суперкубогида, 5 марта Клублар ўртасидаги Жаҳон чемпионатида ва 2 бор Қитъалараро Кубогида ғолиб бўлган.
