"Челси" ярим ҳимоячи Энцо Фернандес учун талаб қилинадиган нархни белгилаб олди. Бен Жейкобснинг маълумотларига кўра, лондонликлар Аргентина терма жамоасининг 25 ёшли хавбеки 120 миллион фунт стерлинг (138,5 млн евро) туради, деб ҳисоблашади.
Шу билан бирга, "кўклар" футболчини сотишни истамаяпти, аммо айни вақтда унинг вакиллари билан янги шартнома борасидаги музокараларда ҳеч қандай силжиш кузатилмаяпти.
Айтилишича, Энцо "Челси"дан кетишни истайди ва "Реал" томонидан таклиф бўлса, бундан мамнун бўлади. "Челси"нинг собиқ мураббийи Энцо Маресканинг яқин вақт ичида "Манчестер Сити"га тайинланишига қарамай, Фернандес бу клуб билан ҳеч қандай музокара олиб бормаяпти.
Эслатиб ўтамиз, бу мавсумда "Челси" Энцони клубнинг келажаги ва фаолияти ҳақидаги изоҳлари учун икки ўйинга четлатган эди. Жаҳон чемпиони АПЛнинг 36 та ўйинида 10 та гол уриб, 4 та голли узатмани амалга оширди.
