Футболчининг агенти Жорже Мендеш ўз мижозининг хизматларини "қироллик клуби"га таклиф қилди. Бу ҳақда The Touchline нашри ижтимоий тармоқда хабар бермоқда.
Манба берган маълумотларга кўра, Мендеш "Реал" вакиллари билан боғланиб, уларга 21 ёшли португалиялик футболчи билан шартнома имзолаш имкониятини таклиф этган. Агентнинг ишончи комилки, Невеш "Реал" ярим ҳимоясини кучайтириш учун идеал қўшимча бўла олади. Бироқ Мадрид клуби ҳозирча Невешни сотиб олиш бўйича музокараларга киришишга тайёр эмас, чунки уларнинг асосий эътибори "Манчестер Сити" ярим ҳимоячиси Родрини қўлга киритишга қаратилган.
Жорий мавсумда Жоау Невеш "ПСЖ" сафида 37 та ўйинда майдонга тушиб, 7 та гол урди ва 4 та голли узатмани амалга оширди. Transfermarkt портали маълумотларига кўра, унинг бозор қиймати 110 млн еврони ташкил этади.
