Манбага кўра, сешанба куни "Реал" вакиллари Мадрид яқинидаги ресторанда Родрининг агентлари билан учрашув ўтказган. "Қироллик клуби" испаниялик ярим ҳимоячини ёзги трансферлар ойнасининг энг асосий мақсадларидан бири сифатида кўрмоқда.
Маълум қилинишича, мадридликлар Родрига 2030 йилгача амал қиладиган тўрт йиллик шартнома таклиф қилишга тайёр. Ҳозирда томонлар футболчининг шахсий шартлари бўйича келишувга эришиш учун музокараларни давом эттирмоқда.
Хабарларга кўра, Родрининг ўзи ҳам Испанияга қайтиш вариантини маъқулламоқда. Унинг "Манчестер Сити" билан амалдаги шартномаси 2027 йилгача тузилган. Англия клуби бир неча ҳафта аввал унга янги шартнома таклиф қилган бўлса-да, ҳозирча келишувга эришилмаган.
Айни пайтда "Реал" ва "Манчестер Сити" ўртасида расмий музокаралар ҳали бошлангани йўқ. Мадрид клуби аввал футболчининг агентлари билан барча шартларни келишиб олишни режалаштирмоқда.
Эслатиб ўтамиз, Родри ўтган мавсум Англия Премьер-лигасида 21 та учрашувда майдонга тушиб, 1 та гол урди. ЖЧ–2026да эса у Испания терма жамоасининг саккизта учрашувида ҳам иштирок этиб, турнирнинг энг яхши футболчиси деб топилди.
