Бу ҳақда “Bild” нашри хабар берди.
Хабар қилинишича, Мбаппе Мадриддаги ҳаёт, у ердаги эксклюзив ресторанлар ва илиқ об-ҳаво ҳақида тўлқинланиб сўзлаб берган.
Шунингдек, манбага кўра, Мбаппе “Реал” президенти Флорентино Пересга трансфер бўйича Олиседан ижобий сигналлар олганини маълум қилган.
Таъкидланишича, “Реал” ҳозирча эҳтимолий трансфер бўйича Олисе ёки унинг агентлари билан мулоқот қилмаган. Перес ҳали июнь ойидаёқ “Бавария” президенти Герберт Ҳайнер билан бир-бирларининг футболчиларини тегишли клубни олдиндан хабардор қилмасдан туриб ўз томонига оғдириб олмасликка келишиб олган эди.
Олисе ўтган мавсум “Бавария” таркибида 52 ўйинда майдонга тушиб, 22 та гол урди ва 31 та голли узатмага муаллифлик қилди. Унинг мюнхенликлар билан шартномаси 2029 йилнинг июнигача мўлжалланган.
