Инсайдер Экрем Конурнинг хабар беришич, Мадриднинг “Реал” клуби “Лейпциг” вингерини сафига қўшиб олмоқчи. Бироқ немис клубининг қатъий позицияси сабабли музокаралар боши берк кўчага кириб қолди: “буқалар” қимматбаҳо футболчиси учун 120 миллион евро талаб қилмоқда ва бундан кам бўлган таклифларни кўриб чиқмайди.
Ҳозирги босқичда даъвогарлардан ҳеч бири Диоманде учун 100 млн евродан ортиқ тўлашга тайёр эмас.
Қайд этилишича, “Лейпциг” ивуарлик футболчига маоши сезиларли даражада оширилган янги шартнома таклиф қилишга тайёр. Бу қадам клуб раҳбарияти ва футболчи ўртасида унинг келажаги борасида ҳақиқий низони келтириб чиқариши мумкин.
Хабар қилинишича, Диоманденинг ўзи клубдан кетишга қарши эмас ва Жаҳон чемпионати давом этаётган бир пайтда бошқа жамоага ўтишга умид қилмоқда. Бу эса вингернинг “Лейпциг”да қолиш ва янги шартнома имзолашга тайёр бўлгани ҳақидаги аввалги хабарларга зиддир.
