Таниқли инсайдер Бен Жейкобснинг сўзларига кўра, Лондон клуби “Атлетико” ва Аргентина терма жамоаси ҳужумчиси атрофидаги вазиятни синчковлик билан кузатмоқда ва уни сотиб олиш имкониятларини кўриб чиқмоқда.
Мадрид клуби раҳбарияти аргентиналик форвардни Ла Лигадаги тўғридан-тўғри рақобатчисига сотиб кучайтиргандан кўра бошқа чемпионат жамоасига қўйиб юборишни афзал кўради. “Атлетико”нинг бундай позицияси футболчининг келажаги учун Англияга кўчиб ўтиш энг реал вариантлардан бири бўлишини таъминлаши мумкин.
Ҳозирги босқичда “Арсенал” томонидан расмий таклиф юборилгани ёки клублар ўртасида музокаралар фаол босқичга киргани ҳақида маълумотлар йўқ. Айни дамда “канонирлар” шунчаки вазиятни кузатиш билан чекланмоқда.
Таъкидлаб ўтиш жоизки, Альвареснинг “Атлетико” билан амалдаги битими 2030 йилнинг ёзига қадар мўлжалланган, унинг товон пули эса 500 миллион еврони ташкил этади.
