Бу ҳақда инсайдер Фабрицио Романо ўзининг ижтимоий тармоқлардаги саҳифасида хабар берди.
Манбанинг берган маълумотига кўра, немис клуби футболчи сотувидан камида 120 млн евро ишлаб олишни режалаштирмоқда ва уни ҳозирча таркибда сақлаб қолишдан умид узгани йўқ.
Шунингдек, "РБ Лейпциг" раҳбарияти ушбу футболчи учун курашда рақобат янада кучайишини кутмоқда. Айни дамда Диомандега "Пари Сен-Жермен" ва Европанинг бир қатор бошқа гранд клублари ҳам жиддий қизиқиш билдирмоқда.
Якунланган мавсумда Диоманде барча мусобақаларда 36 та учрашувда қатнашиб, 13 та гол ва 10 та голли узатмага муаллифлик қилди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида берилган маълумотларга кўра, футболчининг бозор қиймати 90 млн еврони ташкил этади.
