Бу ҳақда “Sports News Africa” хабар берди.
Манбанинг маълум қилишича, миллий терма жамоа дарвозабони Эдуар Менди гуруҳ босқичи доирасида Норвегияга қарши (2:3) кечган баҳсда тиззасидан жароҳат олгач, ушбу вазиятдан хабар топган. Жароҳатнинг аниқ даражасини аниқлаш учун дарвозабон МРТ текширувидан ўтишига тўғри келган. Бироқ тиббий суғурта йўқлиги сабабли Менди ушбу муолажа пулини ўз чўнтагидан тўлаган.
Бундан ташқари, Сенегал терма жамоаси бош шифокори Абдураҳмон Федиорнинг футболчилар билан ишлаш учун етарли тиббий тайёргарликка эга бўлмагани ҳам ошкор бўлди.
Сенегал терма жамоаси мундиалда 1/16 финалгача етиб бориб, унда Бельгияга имкониятни бой берди (2:3). Эътиборлиси, сенегалликлар турнирдаги тўртта ўйиндан учтасида мағлуб бўлишди ва плей-оффга фақатгина Ироқ устидан қозонилган ягона ғалаба (5:0) эвазига йўл олишган эди.
Турнир якунига етгач, Сенегал футбол федерацияси терма жамоа бош мураббийи Пап Тиавни истеъфога чиқариш ҳақида қарор қабул қилди.
