Бу ҳақда "A Bola" нашри хабар бермоқда.
Юзага келган вазият сабабли Португалия футбол федерацияси раҳбари Педру Проэнса Копенгагенга етиб келди. Бу ерда 1 октябрь куни Португалия терма жамоаси Миллатлар лигаси доирасида Данияга қарши майдонга тушади. Маҳаллий манбаларнинг маълумотига кўра, уч томонлама музокаралар муваффақиятли якунланган, муҳит ижобий бўлган ва келишмовчиликларга барҳам берилган.
Аввалроқ, мураббий ҳужумчига иккинчи бўлимда захирадан майдонга тушириб, ярим соат имконият беришини айтгани ҳақида хабар берилган эди. Роналду чигал ёзди машқларини бажарган, аммо барибир майдонда кўриниш бермаган. Бу футболчининг охирги 18 йил ичида расмий ўйинда майдонга тушмагани билан боғлиқ илк ҳолат бўлди. Финал хуштагидан сўнг Роналду норозилигини яшириб ўтирмади ва мухлисларга миннатдорчилик билдирмасдан тўғри кийиниш хонасига йўл олди. 29 сентябрь куни форвард жамоавий машғулотларни эътиборсиз қолдириб, тренажёр залида якка тартибда шуғулланди.
