"Now Canal" эфирида "Record" газетаси ижроия директори Педру Соуза маълум қилишича, ушбу келишувга август ойида, кузги ўйинлар учун таркиб эълон қилингунига қадар эришилган эди.
Манба берган маълумотларга кўра, Роналду миллий терма жамоа бош мураббийлигига айнан Жезушнинг тайинланиши учун катта ҳаракат қилган. Аммо кейинчалик вазият томонлар келишиб олгандек ривожланмади. Мураббий ва футболчи ҳужумчининг майдондаги дақиқаларини меъёрлаштириб боришга келишиб олишган эди ва режага кўра Роналду ўтган учрашувда 30 дақиқа ҳаракат қилиши керак эди, аммо у умуман майдонда кўриниш бермади.
Хабар қилинишича, Жезуш эришилган келишувларга зид равишда ҳаракат қилишни бошлаган ва энди у бундай ўзгаришларнинг сабабларини тушунтириб бериши шарт. Келишувнинг бузилиши, айниқса Роналдунинг Жезушни мураббийликка тайинлашдаги таъсирини ҳисобга олганда, кўплаб саволларни келтириб чиқарди.
