Жамоанинг кечаги машғулотлари қизғин руҳда ўтди ва якунда терма жамоага илк бор чақирилган "Нефтчи" ҳимоячиси Нурмуҳаммад Абдуғаниев ўз фикрлари билан ўртоқлашди.
"Терма жамоага чақирилганимдан хурсандман. 19 ёшимда бу ҳиссиётлар ажойиб, ўзимни кўрсатишга ҳаракат қилмоқдаман. Имконият берилса, яхши ўйнашга бор кучимни бераман. Албатта, олдимда Абдуқодир Ҳусанов ва Аббос Файзуллаевлар ёшларга ёрдам беришмоқда. Шу боис жамоага киришиб кетиш қийин кечмади. Терма жамоада муҳит ажойиб, ёшлар ва катталар бир-бири билан аҳил", — дейди Нурмуҳаммад Абдуғаниев.
— "Нефтчи"дан фақат сиз чақирилдингиз. Ваҳоланки, ярим жамоа термага лойиқ эди. Бу сиз учун қанчалик кутилмаган бўлди?
— Албатта, кўпчилик чақирилишини кутгандим. "Нефтчи" — чемпион жамоа, ҳозирда биринчи ўринда бормоқда. Фақат битта ўзим чақирилишимни кутмагандим.
