“А” гуруҳи
Хуллас, буёғига математика бошланиб кетади барча гуруҳда. Мезбон Мексика плей-офф йўлланмасини нақд қилиб улгурди. Иккинчи ўйинда улар Жанубий Кореяни таслим этди.
Гуруҳнинг кейинги ўйинида эса Чехия қулай вазиятни бой берди. ЖАР билан ўтган ўйинда дурангга имзо чекилди, бу эса европаликларнинг 1/16 финалга чиқиш имкониятларини кескин камайтириб юборди.
Сабаби келаси турда уларнинг рақиби мезбон Мексика бўлади. ЖАР эса Корея билан ўйинда сенсация қилишга уриниб кўради.
2-турдан кейин гуруҳдаги вазият:
“B” гуруҳи
Канада биринчи турда Швецария билан сенсация қайд этган Қатарни тор-мор этди. Жавобсиз олтита тўп киритиш ортидан турнир мезбонлари пешқадам бўлиб олди.
Швецария ҳам Боснияни йирик ҳисобда таслим этди. Сўнгги тур олдидан гуруҳда вазият ажойиб, дастлаб, икки пешқадам биринчиликни келишиб олса, пастдаги икки жамоа “энг яхши 3-ўрин” квотаси учун ўйнайди. Дуранг эса ҳеч бирини қониқтирмайди.
2-турдан кейин гуруҳдаги вазият:
“C” гуруҳи
Бразилия ниҳоят ўзига келиб олди. Гаитига жавобсиз учта гол урган “пентакампеонлар” гуруҳда пешқадам бўлди. Шотландия эса Марокашга мағлуб бўлди.
Эътиборли томони шундаки, Шотландия гуруҳдан чиқиши учун Бразилия билан келгуси тур ўйинида камида дуранг қайд этиши лозим. Ва бу ҳолатда Марокаш Гаитини енгиш орқали пешқадам бўлиб олиш эҳтимоли бор.
2-турдан кейин гуруҳдаги вазият:
“D” гуруҳи
Хайр, Туркия. АҚШ ўз йўналишида давом этган ҳолда бу турда ҳам ғалаба қозонди ва пешқадамликни мустаҳкамлади. 2 ва 3-ўринда уч очко тўплаган ҳолда Австралия ҳамда Парагвай турибди.
Келаси тур шуниси билан аҳамиятлики, Туркия жилла қурса бир тўп киритиш учун АҚШ билан ўйнаса, яна икки терма жамоа ўринларини қайта кўриб чиқишади. Аслини олганда дуранг иккисини ҳам қониқтирувчи ҳисоб.
2-турдан кейин гуруҳдаги вазият:
“E” гуруҳи
Кюрасао ўзининг дастлабки очкосини олди, бутун мамлакат бундан хурсанд. Германия бош мураббийи эса барчага камбэк қилиш ва захирадан футболчи тушуриш бўйича “дарс ўтди”.
Кот-д'Ивуар эса келаси турда плей-оффга йўлланма олиши деярли 100%. Эквадорга қараб, ачинади киши. Улар учун тақвим шу қадар яхши эдики, бундан ортиғи фақат Туркияда бўлганди.
2-турдан кейин гуруҳдаги вазият:
“F” гуруҳи
Тунис - чемпионатда энг ёмон ўйин кўрсатаётган жамоа деса бўлади бемалол. Аввал Швеция, мана энди Япония билан ўйинда тўртта гол фарқи билан ютқазмоқда. Ҳали уларни қўрқинчли Нидерландия кутиб турибди.
Япония - Швеция эса кўп масалага ойдинлик киритувчи ўйин бўлиб беради. Иккита бир хил кучга эга жамоа ҳам плей-оффга ҳақли. Фақат буни ўйинда кўриб оламиз.
Нидерландия эса доимгидек таркиби юлдузли бўлмаса-да, чемпионликка интилади. Охирги ўзи иштирок этган учта чемпионатда камида ярим финалгача келган терма жамоа бу гал ҳам кўп сюрприз тайёрлаб қўйгани аниқ.
2-турдан кейин гуруҳдаги вазият:
ЖЧ-2026'ни Allplay'да томоша қилинг — CHAMPIONATASIA промокоди билан 45 кун бепул
Промокодни фаоллаштириш ҲАВОЛАСИ
