Бугун Франция терма жамоасининг 27 ёшли ҳужумчиси Чемпионлар лигаси умумий босқичининг 1-туридан ўрин олган "Интер"га қарши ўйин олдидан мураббий Жозе Моуринью билан биргаликда матбуот анжуманида иштирок этди.
ОАВ билан мулоқот бошланишидан олдин Килиан қаршисида турган, ЕЧЛга ҳомийлик қилувчи Американинг PepsiCo трансмиллий корпорациясига тегишли Gatorade ичимлигини стол остига олиб қўйди. Орадан кўп ўтмай, жаҳон чемпионига савол берилаётганда кимдир яна ичимликни унинг қаршисига қўйди. Мбаппе хотиржам қиёфада иккинчи шишани ҳам стол остига олиб қўйди.
Эслатиб ўтамиз, Евро-2020 вақтида мураббий Фернанду Сантуш билан ўтказилган матбуот анжуманида Португалия терма жамоаси сардори Роналду Coca-Cola'нинг иккита шишасини ўзидан четга суриб қўйган эди. У сув солинган шишани кўтариб, газланган ичимлик эмас, айнан сув ичиш кераклигини шама қилган эди.
